Specialistët e rrugës hedhin poshtë spekullimet

Inxhinierët dhe specialistët që drejtojnë dhe monitorojnë punimet në rrugën Kukës-Shishtavec, sqaruan për kallabak.com se: "Gjatë këtyre ditëve janë të përqëndruar në hedhjen e shtresës së parë të asfaltit, në segmentin Ura e Topojanit-Shishtavec"

Ata sqarojnë se gjerësia e shtresës me asfalt është 475 cm, pa llogaritur dy anët secila 50 cm të mbushura me beton.

Në cdo 100 metër rruga ka një xhep, ku gjerësia e saj arrin deri në 650 cm.

Sipas kësaj përllogaritje gjerësia e rrugës arrin në 575 cm.

Punimet mur guri e mur betoni janë kryer përgjatë gjithë aksit dhe shkojnë deri në disa kilometra.

Shtresa e parë e asfaltit do të jetë 5 cm e trashë, ndërsa shtresa e dytë 3-5 cm, në përgjithësi llogaritet që shtresa e asfaltit të jetë me 10 cm trashësi.

Në anën e poshtme të rrugës për gjatë gjithë aksit do të vendosen guardjela (shiritat mbrojtës) me llamarinë të forcuar.