Plehrat që mbysin e nuk i heq dot!

Bashkia Kukës nga dje "nisi" aksionin për heqjen e mbeturinave në fshatrat Novosej dhe Shishtavec. Ndonëse aksioni sapo ka filluar, janë me qindra ton mbeturina që duhen zhvendosur nga rrugët hyrëse të dy fshatrave dhe ato që lidhëse të lagjeve.

Pas publikimit herë pas here të problematikës në fjalë nga website kallabak.com ka mbërritur reagimi nga ana e Bashkisë, teksa komuniteti, kryepleqësitë dhe të paguarit e Njësisë Administrative, ende nuk janë zgjuar.

Ndonëse aktiviteti ka nisur dje, manovratorët e angazhuar në këtë aksion, justifikohen për mungesë karburanti dhe moskontakt me kryepleqtë, ç'ka do të thotë se një fadromë si kjo në foto dhe një kamion, "fantazmë", pa anatemuar punonjësit e "angazhuar", nuk po bëjnë asgjë, veçse e njejta situatë do të vazhdojë ende.

Kush është fajtori !?